ఇలాంటి వనితలను చూసి మనవాళ్ళూ నేర్చుకోవాలి

జమ్ము: ఉగ్రవాదులకు వ్యతిరేకించడంలో జమ్మూ బాలిక అసాధారణ ధైర్యసాహసాలను ప్రదర్శించింది. తనను ఎత్తుకుపోవడానికి ప్రయత్నించిన ఆరుగురు ఉగ్రవాదులను రుక్సానా కౌసర్ ఎంతో ధైర్యంతో ఎదుర్కుంది. తనను ఎత్తుకుపోవడానికి వచ్చిన ఆరుగురిలో ఒక ఉగ్రవాది నుంచి ఎకె - 47 లాక్కుని వారిని ఎదిరించింది. ఆమె జరిపిన కాల్పుల్లో ఒక ఉగ్రవాది మరణించాడు. మిగతా వారు కాలికి బుద్ధి చెప్పి పారిపోయారు.

ఆమెకు గ్రామ రక్షణ కమిటీ ఇచ్చిన శిక్షణ ఇందుకు ఉపయోగపడింది. కలస్నికోవ్ ఆసాల్ట్ రైఫిల్ ను ఎలా వాడాలనే విషయంపై ఆమె గ్రామ రక్షణ కమిటీ నుంచి శిక్షణ పొందింది. ఉగ్రవాదిని గోడకు అదిమిపట్టానని, ఆ తర్వాత రైఫిల్ గన్ బట్ తో కొట్టానని, ఆ తర్వాత పలు మార్లు కాల్పులు జరిపానని రుక్సానా చెప్పింది.